آئی سی سی ویمنز کرکٹ ورلڈ کپ،پاک بھارت میچ بارش کے باعث متاثر ہونے کا امکان

آئی سی سی ویمنز کرکٹ ورلڈ کپ میں آج روایتی حریفوں پاکستان اور بھارت کے درمیان ہونے والا میچ بارش کے باعث متاثر ہونے کا خدشہ ہے۔

پاکستان اور انڈیا کی ویمنز ٹیموں نے آج کولمبو میں مدمقابل ہونا ہے تاہم سری لنکا کے محکمہ موسمیات نے آج بارش کی پیشگوئی کی ہے جس سے ویمنز ورلڈ کپ کا اہم ترین میچ متاثر ہونے کا امکان ہے۔

محکمہ موسمیات کے مطابق میچ کے آغاز سے قبل بارش کا امکان ہے جو وقفے وقفے سے جاری رہ سکتی ہے۔

کولمبو میں گزشتہ روز بھی مسلسل بارش کا سلسلہ جاری رہا تھا، بارش کی وجہ سے سری لنکا اور آسٹریلیا کے درمیان میچ ختم کر دیا گیا تھا۔