نصیرآباد میں ڈیرہ مراد جمالی ریلوے ٹریک پر دھماکہ،ریلوے ملازم شہید

نصیرآباد میں ڈیرہ مراد جمالی ریلوے ٹریک پر دھماکے سے ریلوے ملازم شہید ہوگیا۔

تفصیلات کے مطابق نصیرآباد کے شہر ڈیرہ مراد جمالی ریلوے اسٹیشن کے قریب ریلوے پل کی پیڑی پر زور دار دھماکہ ہوا تاہم خوش قسمتی سے جعفرآباد ایکسپریس بڑی تباہی سے بچ گئی۔

پولیس کا کہنا تھا کہ دھماکہ جعفرآباد ایکسپریس کے پائلٹ انجن کے گزرنے کے فوراً بعد پیش آیا، جبکہ کچھ ہی دیر بعد جعفرآباد ایکسپریس ٹرین کو اسی ٹریک سے گزرنا تھا۔

ایس ایس پی نصیرآباد کے مطابق دھماکےمیں شہید ہونے والے گینک مین کی شناخت امداد حسین کے نام سے ہوئی، شہید گینک مین ریلوے پٹڑی پر پیٹرولنگ کر رہا تھا کہ دھماکا ہوا۔

حکام کے مطابق دھماکے سے ریلوے ٹریک کو جزوی نقصان پہنچا، پشاور سے آنے والی جعفرایکسپریس کو جیکب آباد ریلوے اسٹیشن پرروک لیا گیا۔ دھماکے کی نوعیت کو جاننے کےلئے بی ڈی ٹیم کو جعفرآباد سے طلب کیا گیا۔