کابینہ کی منظوری کے 24 گھنٹے بعد غزہ میں جنگ بندی کا آغاز ہوگا، حکومتی ترجمان

اسرائیلی حکومت کی ترجمان شوش بیڈروسیان نے تصدیق کی ہے کہ غزہ میں جنگ بندی کا آغاز کابینہ اجلاس میں معاہدے کی توثیق کے 24 گھنٹوں کے اندر کر دیا جائے گا۔

پریس کانفرنس سے خطاب کرتے ہوئے بیڈروسیان نے بتایا کہ اسرائیل نے آج صبح مصر میں جنگ بندی معاہدے کے حتمی مسودے پر دستخط کر دیے ہیں۔

ان کے مطابق، معاہدے کے تحت جنگ بندی کے نفاذ کے بعد ابتدائی 72 گھنٹوں کے دوران قیدیوں اور یرغمالیوں کا تبادلہ عمل میں لایا جائے گا۔

ترجمان نے یہ بھی واضح کیا کہ اسرائیلی جیل میں قید معروف فلسطینی رہنما مروان برغوثی کی رہائی معاہدے میں شامل نہیں ہے۔

بیڈروسیان نے مزید بتایا کہ تبادلہ مکمل ہونے کے بعد اسرائیلی افواج 'یلو لائن' کے پیچھے ہٹ جائیں گی، تاہم غزہ کی پٹی کے 53 فیصد علاقے پر اسرائیلی کنٹرول برقرار رہے گا۔