Advertisement
پاکستان

الیکشن کمیشن نے پی ٹی آئی حمایت یافتہ اراکین کو آزاد قرار دے دیا

خیبر پختونخوا اسمبلی کی پارٹی پوزیشنز بھی جاری کر دی ہیں۔ خیبر پختونخوا اسمبلی کی 145 نشستوں میں سے 93 اراکین کو آزاد قرار دیا گیا ہے

GNN Web Desk
شائع شدہ ایک سال قبل پر اکتوبر 9 2025، 8:36 شام
ویب ڈیسک کے ذریعے
الیکشن کمیشن نے پی ٹی آئی حمایت یافتہ اراکین کو آزاد قرار دے دیا

الیکشن کمیشن آف پاکستان نے سپریم کورٹ کے 25 اگست کے فیصلے کی روشنی میں نئی فہرست جاری کرتے ہوئے پاکستان تحریک انصاف کے حمایت یافتہ اور سنی اتحاد کونسل کے پلیٹ فارم سے منتخب ہونے والے قومی اور صوبائی اسمبلیوں کے اراکین کو آزاد امیدوار قرار دے دیا ہے۔

کمیشن نے اس کے ساتھ ساتھ قومی اسمبلی، پنجاب، سندھ اور خیبر پختونخوا اسمبلی کی پارٹی پوزیشنز بھی جاری کر دی ہیں۔ خیبر پختونخوا اسمبلی کی 145 نشستوں میں سے 93 اراکین کو آزاد قرار دیا گیا ہے، جبکہ اپوزیشن جماعتوں کے پاس مجموعی طور پر 52 نشستیں ہیں، جن میں جمعیت علمائے اسلام (ف) کے 18، مسلم لیگ (ن) کے 17، پیپلز پارٹی کے 10، عوامی نیشنل پارٹی کے 4 اور پی ٹی آئی پارلیمنٹرینز کے 3 اراکین شامل ہیں۔

اپوزیشن لیڈر ڈاکٹر عباد اللہ خان نے کہا ہے کہ الیکشن کمیشن نے حکومتی بینچوں پر موجود اراکین کو بھی آزاد حیثیت دی ہے، اس لیے اگر وہ اپوزیشن کے وزارتِ اعلیٰ کے امیدوار کو ووٹ دیتے ہیں تو یہ عمل فلور کراسنگ کے دائرے میں نہیں آئے گا۔ انہوں نے مزید بتایا کہ اپوزیشن جماعتیں جلد وزارتِ اعلیٰ کے امیدوار کے لیے نامزدگی کا اجلاس طلب کریں گی۔

Advertisement
رجحانات
Advertisement