لاہور میں فضائی آلودگی کی سطح تشویشناک حد تک پہنچ گئی

صوبائی دارالحکومت لاہور میں فضائی آلودگی کی سطح تشویشناک حد تک پہنچ چکی ہے۔

درجہ بندی میں آلودگی کے اعتبار سے لاہور دوسرے نمبر پر ہے، شہر میں سموگ کی اوسط شرح 183 تک جا پہنچی جس سے سانس کی بیماریوں میں اضافے کا خدشہ ہے۔

شہریوں کو فضائی آلودگی سے بچاؤ کیلئے ماسک پہننے اور غیر ضروری باہر جانے سے گریز کرنے کی ہدایت کی جا رہی ہے، موسم میں متوقع تبدیلیوں کے پیش نظر شہری احتیاطی تدابیر اختیار کریں تاکہ صحت کے مسائل سے بچا جا سکے۔

دوسری جانب لاہور میں آج کم سے کم درجہ حرارت 19 ڈگری سینٹی گریڈ جبکہ زیادہ سے زیادہ 29 ڈگری سینٹی گریڈ تک جانے کا امکان ہے، شہر کا موجودہ درجہ حرارت 22 ڈگری سینٹی گریڈ ریکارڈ کیا گیا۔

محکمہ موسمیات کے مطابق شہر میں ہوا کی رفتار 3 کلومیٹر فی گھنٹہ ریکارڈ کی گئی ہے، جبکہ ہوا میں نمی کا تناسب 77 فیصد تک جا پہنچا، اس سے صاف ظاہر ہوتا ہے کہ موسم آج کچھ مرطوب رہے گا۔