نیب ملتان کی کارروائی ، 48 ارب روپے کے فراڈ میں ملوث ملک عبدالحئی کراچی سے گرفتار

ملتان : قومی احتساب بیورو(نیب ) ملتان نے کارروائی کرتے ہوئے48 ارب روپے کے فراڈ میں ملوث ملک عبدالحئی کو کراچی سے گرفتار کرلیا۔   

تفصیلات کے مطابق نیب ملتان نے48 ارب روپے کے فراڈ میں ملوث ملک عبدالحئی کو کراچی سے گرفتار کرلیا،نیب کی جانب سے یہ کارروائی سیکیورٹی اینڈ ایکسچینج کمیشن کی نشاندہی پر کارروائی کی گئی۔

نیب نے ملزم کی 7 جائیدادیں فریز کر دیں، 191 شکایات موصول ہوئی تھیں،ملزم نے فور ایچ ٹریڈرز اور اے ایچ ایکسپرٹس کے نام سے جعلی کمپنیاں بنائیں۔ 

نیب کےمطابق ملزم نے 30 فیصد منافع کا لالچ دے کر شہریوں سے اربوں روپے ہتھیا لیے،عبدالحئی پہلے لیہ کے ہسپتال میں خاکروب اور دودھ فروش تھا،جبکہ سادہ لوح شہریوں کو آن لائن ٹریڈنگ کے نام پر لوٹا گیا۔

حکام کے مطابق ملزم کو 14 اکتوبر کو احتساب عدالت کی ڈیوٹی جج کے روبرو پیش کیا جائے گا۔