Advertisement
پاکستان

بابِ دوستی پر افغان مہاجرین کی واپسی کا عمل بحال، تجارتی سرگرمیاں تاحال معطل

گزشتہ روز بابِ دوستی کو ہر قسم کی نقل و حرکت کے لیے بند کر دیا گیا تھا، لیکن اب محض افغان مہاجرین کو انخلا کی اجازت دی گئی ہے

GNN Web Desk
شائع شدہ ایک سال قبل پر اکتوبر 13 2025، 11:56 شام
ویب ڈیسک کے ذریعے
بابِ دوستی پر افغان مہاجرین کی واپسی کا عمل بحال، تجارتی سرگرمیاں تاحال معطل

 

بلوچستان کے سرحدی شہر چمن میں واقع بابِ دوستی پر افغان مہاجرین کی وطن واپسی کا عمل دوبارہ شروع کر دیا گیا ہے، تاہم سرحد پر عام آمد و رفت اور تجارتی سرگرمیاں دوسرے روز بھی مکمل طور پر معطل رہیں۔

ضلعی انتظامیہ کے مطابق، صرف افغان شہریوں کو وطن واپسی کی اجازت دی گئی ہے جبکہ دوطرفہ تجارت، امیگریشن سروسز اور پیدل آمدورفت بدستور بند ہیں۔

ڈپٹی کمشنر چمن حبیب بنگلزئی نے میڈیا سے گفتگو کرتے ہوئے بتایا کہ بابِ دوستی سے معمول کے تحت آمدورفت تاحال معطل ہے، تاہم افغان خاندانوں کی واپسی کا عمل آج صبح دوبارہ شروع کر دیا گیا ہے۔

ان کا کہنا تھا کہ "سرحدی علاقے میں مہاجرین کے لیے عارضی رہائش، خوراک، پینے کے پانی اور طبی سہولیات کا بندوبست کر دیا گیا ہے تاکہ واپسی کے دوران کسی قسم کی مشکلات کا سامنا نہ ہو۔"

انہوں نے مزید کہا کہ "گزشتہ روز بابِ دوستی کو ہر قسم کی نقل و حرکت کے لیے بند کر دیا گیا تھا، لیکن اب محض افغان مہاجرین کو انخلا کی اجازت دی گئی ہے۔"

Advertisement
رجحانات
Advertisement