غزہ امن معاہدہ: امریکا، مصر، قطر اور ترکیہ نے دستخط کر دیے

غزہ میں جنگ بندی کے لیے اہم پیشرفت، مصر، ترکیہ، قطر اور امریکا نے غزہ امن معاہدے پر باقاعدہ دستخط کر دیے۔ معاہدے کا مقصد علاقے میں جنگ بندی، انسانی امداد کی فراہمی، اور دیرپا امن کو ممکن بنانا ہے۔

معاہدے پر دستخط کی تقریب کے دوران خطاب کرتے ہوئے امریکی صدر ڈونلڈ ٹرمپ نے اسے "تاریخی دن" قرار دیتے ہوئے کہا کہ"غزہ امن معاہدہ مشرق وسطیٰ میں امن کی جانب ایک بڑا قدم ہے، اور یہ دوست ممالک کے تعاون سے ممکن ہو سکا ہے۔"

انہوں نے کہا کہ "ایسے کامیاب دن پہلے کبھی دیکھنے کو نہیں ملے۔ اس عمل میں مصر نے کلیدی کردار ادا کیا۔"

ٹرمپ نے اس عزم کا اظہار کیا کہ "ہم خطے میں دیرپا امن و استحکام کے خواہاں ہیں اور غزہ کی تعمیرِ نو کے لیے مل کر کام کریں گے۔"