خیبرپختونخوا کے نئے وزیراعلیٰ سہیل آفریدی نے حلف اٹھا لیا

خیبرپختونخوا کے نومنتخب وزیراعلیٰ سہیل آفریدی نے اپنے عہدے کا حلف اٹھا لیا۔ گورنر فیصل کریم کنڈی نے گورنر ہاؤس پشاور میں ان سے حلف لیا۔

حلف برداری کی تقریب میں اسپیکر صوبائی اسمبلی بابر سلیم سواتی، پاکستان تحریک انصاف کے اراکین قومی و صوبائی اسمبلی، آئی جی پولیس، چیف سیکریٹری اور دیگر اعلیٰ حکام نے شرکت کی۔

تقریب کے دوران پنڈال میں پی ٹی آئی کارکنوں کی بڑی تعداد موجود تھی، جو مسلسل نعرے بازی کر کے جوش و خروش کا مظاہرہ کرتے رہے۔