سندھ میں بلدیاتی انتخابات جماعتی بنیادوں پر ہونگے : مراد علی شاہ

تفصیلات کے مطابق وزیراعلی سندھ کا کہنا ہے کہ مردم شماری پر اعتراضات ہیں جس کے ثبوت سی سی آئی میں پیش کیئے ہیں سندھ سرکار نے آئینی حق استعمال کرتے ہوئے پارلیمینٹ کا مشترکہ اجلاس طلب کرکے بحث کرانے کیلئے خط لکھا ہے ۔

مردم شماری میں سندھ کی آبادی کم دکھائی گئی ہے،سندھ میں بلدیاتی انتخابات ایسے کرائیں گے جس پر کسی کو اعتراض نہ ہو۔

وزیر اعلی سندھ نے کہا کہ نواز شریف کی افغان نمائندے سے ملاقات کا میڈیا پر سنا ہے،ہماری خارجہ پالیسی ناکام جا رہی ہےایران، افغانستان، چین سے ہمارے رابطے متاثر ہو رہے ہیں ،ہم چین سے اچھے رابطوں کی کوشش میں ہیں ۔

انہوں نے کہا پی ڈی ایم میں شامل جماعتوں کو چاہیئے کہ اپوزیشن کو متحد کریں ، بلاول بھٹو زرداری نے آل پارٹیز کانفرنس بلاکر پی ڈی ایم کا قیام عمل میں لایا ، پی ڈی ایم بنانے کا مقصد عمران حکومت سے نجات تھا مگر کچھ لوگوں نے بلاول بھٹو سے استعیفی مانگا ہے ۔

ان کا مزید کہنا تھا کہ وفاقی حکومت نے مہنگائی کا طوفان برپا کیا ہے ،منچھر جھیل کی بحالی کیلئے 2017ع میں وفاقی سرکار سے منصوبہ منظور کروایا تھا، 2018 میں عمران حکومت آئی تو منچھر جھیل کی بحالی کا کام روک دیا گیا ہے ۔