پیپلز پارٹی کا آزاد کشمیر الیکشن میں دھاندلی کا الزام

تفصیلات کے مطابق  پیپلز پارٹی رہنما شیری رحمان نے سماجی رابطے کی ویب سائٹ ٹوئٹر پرجاری پیغام میں  کہا کہ   پیپلز پارٹی نے اب تک الیکشن کمیشن میں دھاندلی کی21 شکایات درج کی ہیں۔ کچھ پولنگ اسٹیشنوں میں فائرنگ اور تشدد کے واقعات ہوئے ہیں ۔ ان کاکہنا تھا کہ  2 اموات ہو چکی ہیں، حکومتی مشینری کی اس کھلی نمائش پر حیرت زدہ ہیں۔

پی ٹی آئی وزراء دھاندلی کے تمام ریکارڈ توڑ کر پولنگ اسٹیشنوں میں داخل ہوگئے ہیں۔ پیپلز پارٹی نے اب تک الیکشن کمیشن میں دھاندلی کی21 شکایات درج کی ہیں۔ کچھ پولنگ اسٹیشنوں میں فائرنگ اور تشدد کے واقعات ہوئے ہیں ۔ 2 اموات ہو چکی ہیں، حکومتی مشینری کی اس کھلی نمائش پر حیرت زدہ ہیں۔ pic.twitter.com/pw9xtj6M69

— SenatorSherryRehman (@sherryrehman) July 25, 2021

اس سے قبل پیپلز پارٹی رہنما شیری رحمان نے ایک اور بیان  میں  کہا  کہ آزاد کشمیر انتخابات میں منظم طریقے سے دھاندلی ہو رہی ہے۔کوٹلی میں پیپلز پارٹی کے امیدوار کی گاڑی پر تحریک انصاف کے کارکنوں نے فائرنگ کی اورکئی پولنگ اسٹیشنز کی ووٹر زفہرستوں میں واضح فرق ہے۔شیری رحمان نے کہا کہ فوارہ چوک پولنگ اسٹیشن پر پولیس نے پیپلز پارٹی کا کیمپ اکھاڑ دیا۔ اُنہوں نے مطالبہ کیا کہ الیکشن کمیشن حکومتی دھاندلی کو روکے اور شفافیت کو یقینی بنائے۔

دوسری جانب رہنما پیپلز پارٹی اور سابق وزیراعظم راجا پرویز اشرف کا کہنا ہے کہ حکومت نے الیکشن کا ماحول خراب کیا، کئی پرتشدد واقعات ہوچکے، حکومت نے اخلاقیات کوبری طرح پامال کیا۔کشمیر انتخابات میں وزرا نے کھلے عام ضابطہ اخلاق کی خلاف ورزی کی، الیکشن کمیشن کی ہدایت کے باوجود وزیراعظم کے ساتھی وزرا نے دورے کیے، آج پیپلزپارٹی کے امیدوار چوہدری  یاسین کے حلقہ میں ان پر قاتلانہ حملہ ہوا۔