سنگجانی جلسہ کیس: عمر ایوب، زرتاج گل سمیت پی ٹی آئی رہنماؤں کے ناقابل ضمانت وارنٹ گرفتاری جاری

اسلام آباد: انسداد دہشت گردی عدالت اسلام آباد نے پی ٹی آئی کے سنگجانی جلسے سے متعلق مقدمے میں پارٹی رہنماؤں عمر ایوب، زرتاج گل، زین قریشی اور علی بخاری کے ناقابلِ ضمانت وارنٹ گرفتاری جاری کر دیے۔

یہ احکامات جج طاہر عباس سپرا کی سربراہی میں کیس کی سماعت کے دوران جاری کیے گئے، جہاں عدالت نے پولیس کو ملزمان کو گرفتار کر کے عدالت میں پیش کرنے کی ہدایت کی۔

سماعت کے دوران وکیل شیر افضل مروت کی جانب سے کیس دوسری عدالت منتقل کرنے کی درخواست دائر کی گئی، جس پر عدالت نے فریقین کو نوٹسز جاری کرتے ہوئے آئندہ سماعت پر دلائل طلب کر لیے۔

عدالت نے کیس کی مزید سماعت 23 اکتوبر تک ملتوی کر دی ہے۔