ڈرامہ’ یہ چوڑیاں‘ دوسرے ہفتے میں داخل ،لالی وڈ سپر اسٹار معمر رانا پہلی مرتبہ اسٹیج پر جلوہ گر

لاہور: صوبائی دارالحکومت لاہور میں جاری ڈرامہ’’ یہ چوڑیاں‘‘ دوسرے ہفتے میں داخل ہو گیا ہے جس میں لالی وڈ سپر اسٹار معمر رانا پہلی مرتبہ اسٹیج پر جلوہ گر ہوئے۔

محفل تھیٹر میں جاری سٹیج ڈرامہ ’’یہ چوڑیاں‘‘ کے ہیرو معمر رانا اور رائیٹر ڈائریکٹر نسیم وکی نے کہا کہ ڈرامے کو ملنے والی پزیرائی نے پوری ٹیم کو حوصلہ دیا ہے اور اب یہ ڈرامہ نہ صرف پورے پاکستان بلکہ دنیا کے دیگر ممالک میں بھی کرینگے۔

اس موقع پرڈرامہ رائٹر وڈائریکٹر نسیم وکی نے کہا ڈرامے نے سپر ہٹ فلم’’ چوڑیاں‘‘ کی یاد تازہ کر دی، سٹار کاسٹ کے ساتھ ڈرامے کو دیکھنے والوں نے توقع سے بڑھ کر پیار دیا یہ ڈرامہ پنجاب بھر میں جائے گا۔

ان کا کہنا تھا کہ تنقید سے ہمارے حوصلے پست نہیں بلکہ بلند ہوئے ہیں معمر رانا نے کہا کہ نسیم وکی نے پندرہ سال قبل  چوڑیاں سٹیج کرنے کا کہا لیکن میں زہنی طور پر تیار نہیں تھا اب یہ کیا اور پبلک نے جو رسپانس دیا وہ ناقابل بیان ہے عزت دینے والی اللہ کی زات ہے انشاء اللہ یہ سلسلہ جاری رہے گا۔

نسیم وکی نے مزیدکہا کہ ڈرامہ دوسرے سپیل میں داخل ہوگیا ہے اور یہ جب تک پبلک کا رسپانس اور پیار ملتا رہے گا جاری رکھیں گے۔

ڈرامہ یہ چوڑیاں کی نمایاں کاسٹ میں اداکار معمر رانا، نسیم وکی، خوشبو، مناہل خان، اچھی خان، اکرم اداس اور دیگر شامل ہیں۔