آزاد کشمیر انتخابات : چیف الیکشن کمشنر نے حتمی نتا ئج کا اعلان کردیا

 چیف الیکشن کمشنرعبدالرشید سلہریا کا کہنا ہے کہ  44انتخابی نشستوں میں سےتحریک انصاف کو 25 نشستوں پراکثریت حاصل ہے، جبکہ ٹرن آؤٹ60 فیصد سے زائد رہا ہے۔

چیف الیکشن کمشنرعبدالرشید سلہریا نے کہا کہ  سکیورٹی فورسز اور انتظامیہ نے گراں قدر خدمات پیش کیں۔ایل اے 16 باغ کے 4 پولنگ اسٹیشن پر 29 جولائی سے قبل پولنگ ہوگی۔ اب تک کسی پارٹی نےدھاندلی کی کوئی شکایت درج نہیں کروائی ہے۔

ان کا کہنا تھا کہ مخصوص نشستوں سمیت 53 کاایوان مکمل ہوتے ہی حکومت سازی کا شیڈول آئے گا۔

واضح رہےکہ آزاد کشمیر کی قانون ساز اسمبلی کی 45 نشستوں پر 724 امیدوار مدمقابل تھے، 33 نشستوں پر آزاد کشمیر میں پولنگ ہوئی جبکہ دیگر 12 نشستوں پر مہاجرین کے کوٹے پر پاکستان کے دیگر صوبوں میں مقیم کشمیریوں نے حق رائے دہی استعمال کیا۔ بارہ سو انتیس پولنگ  سٹیشنز  کو حساس قرار دیا گیا  تھا۔