نیویارک انتخابات ہارنے کی بڑی وجہ شٹ ڈاؤن ہے،صدر ٹرمپ

واشنگٹن ڈی سی : امریکی صدر ڈونلڈ ٹرمپ نے نیویارک مئیر الیکشن میں شکست کی وجہ شٹ ڈاؤن کو قرار دے دیا۔

امریکی میڈیا رپورٹس کے مطابق ڈونلڈ ٹرمپ نے ریپبلکن سینیٹرز سے ملاقات کے دوران گفتگو کرتے ہوئے کہا کہ امریکا میں حکومتی شٹ ڈاؤن ختم کرنا ضروری ہے،انہوں نے کہا کہ نیویارک انتخابات ہارنے کی بڑی وجہ شٹ ڈاؤن ہے۔ اور امید کرتے ہیں شٹ ڈاؤن جلد ختم ہو جائے گا۔ شٹ ڈاؤن ختم کر کے ملک کو دوبارہ کھولنا چاہیے۔

ڈونلڈ ٹرمپ نے کہا کہ امریکی نائب صدر جے ڈی وینس اور تمام ریپبلیکنز کا شکریہ ادا کرنا چاہتا ہوں کہ سینیٹرز نے بہت محنت سے کام کیا۔
رپبلکن سینیٹرز سے گفتگو کرتے ہوئےانہوں نے کہا کہ امریکا میں طویل ترین شٹ ڈاؤن ڈیموکریٹس کی وجہ سے ہوا ہے۔ اور ڈیموکریٹس نے مصیبت مسلط کی۔ شٹ ڈاؤن نے گورنر اور میئر کے انتخابات پر بہت بڑا اثر ڈالا ہے۔

امریکی صدر نے کہا کہ یہ امریکا کی تاریخ کا طویل ترین شٹ ڈاؤن ہو چکا ہے۔ جبکہ ایئر ٹریفک کنڑول کے عملے کو تنخواہ نہیں مل رہی۔ 7 ارب ڈالر مالیت کے فوڈ پروگرام کو عوام کے لیے مہیا کیا۔