سونے کی قیمت میں پھر بڑا اضافہ، فی تولہ کتنے کا ہو گیا؟

سونے کی مقامی اور عالمی مارکیٹوں میں نمایاں تیزی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق ملک بھر کی صرافہ مارکیٹوں میں جمعرات کو سونے کی قیمتوں میں نمایاں اضافہ دیکھنے میں آیا۔

پاکستان میں فی تولہ سونا 3700 روپے اضافے کے بعد 4 لاکھ 23 ہزار 62 روپے کا ہوگیا ہے، اسی طرح 10 گرام سونا 3122 روپے مہنگا ہو کر 3 لاکھ 62 ہزار 707 روپے میں فروخت ہورہا ہے۔

پاکستان میں سونے کی قیمتوں میں عالمی مارکیٹ میں تیزی کے باعث اضافہ ہوا ہے۔ بین الاقوامی مارکیٹ میں بھی سونا 37 ڈالر اضافے کے ساتھ 4007 ڈالر فی اونس تک پہنچ گیا ہے۔

واضح رہے گزشتہ دو روز میں سونے کی قیمت میں 4 ہزار 500 روپے کی کمی ریکارڈ کی گئی تھی۔