ابھرتی ہوئی گلوکارہ فرزین نور نے اپنی خوبصورت آواز سے میوزک شائقین کو اپنا گرویدہ بنالیا

لاہور:(کلچرل رپورٹر) پاکستان کی ابھرتی ہوئی گلوکارہ فرزین نور نے اپنی خوبصورت آواز سے میوزک شائقین کو اپنا گرویدہ بنالیا۔

حالیہ دنوں میں معروف میوزک پلیٹ فارم سپاٹی فائی پر ریلیز ہونے والے گانے ”فار“کو خوب پذیرائی حاصل ہورہی ہے جس میں گلوکارہ فرزین نور نے اپنی دلکش آواز سے میوزک لوورز کی خاصی توجہ حاصل کرلی ہے، اس سے قبل گلوکارہ کی جانب سے گانا”لو ہوگیا “ اور”ماہیا“ کو بھی کافی پسند کیا گیا تھا

میڈیا سے گفتگو کرتے ہوئے گلوکارہ فرزین نور کا کہنا تھا کہ میں نے گلوکاری کا آغاز سکول سے کیا تھا جہاں مختلف تقریبات میں ملی نغمے اور گیت گاتی تھی اسی شوق کی وجہ سے میں نے میوزک کو سمجھا اور سیکھ بھی رہی ہوں کیونکہ موسیقی ہو یا تعلیم و تجربات انسان عم بھر سیکھتا رہتا ہے۔

ان کا مزید کہنا تھا اس ”فار“ گانے کے بعد ایک اور کولیبرشن میں گانا ریلیز کرنے جارہی ہوں جبکہ بہت جلد اپنا سولو سانگ کی ویڈیو پر بھی کام جارہی ہے جس کو مناسب وقت پر پاکستان سمیت دنیا بھر میں ریلیز کیا جائے گا۔

ان کا کہنا تھا کہ پاکستان میں جتنے بھی گلوکار ہیں ان کی محنت لگن کی وجہ سے آج دنیا بھر میں پاکستانی میوزک اور گلوکاروں کو قدر کی نگاہ سے دیکھا جاتا ہے۔

گلوکاری نے کہا کہ میں استاد نصرت فتح علی خان ، میڈم نور جہاں ، عابدہ پروین سمیت دیگر گلوکاروں کا میوزک شوق سے سنتی ہوں اور ان سے سیکھنے کی کوشش کرتی ہوں مستقبل میں پرائیوٹ میوزک البم سمیت فلم کے پلے بیک سانگز ہوں یا ڈراموں کے ”او ایس ٹی کرنے کا ارادہ ہے۔

انہوں نے مزید کہا کہ مجھے کچھ پروجیکٹ کی آفرز بھی ملی ہیں بس یہی کوشش ہے اپنے مداحوں اور میوسیقی کے دلدادا افراد کو بہترین میوزک پیش کروں اور اپنا نام پیدا کروں ۔