این اے-66 ضمنی انتخاب،: پاکستان مسلم لیگ کے بلال فاروق تارڑ بلا مقابلہ رکن قومی اسمبلی منتخب

ویب ڈیسک: این اے-66 وزیرآباد میں ضمنی انتخابات کے سلسلے میں ن لیگ کے بلال فاروق تارڑ بلا مقابلہ رکن قومی اسمبلی منتخب ہوگئے۔

اس حوالے سے ضلعی ریٹرننگ آفیسر شبیر حسین نے بلال فاروق تارڑکی کامیابی کا نوٹیفکیشن جاری کردیا۔

نوٹیفکیشن کے مطابق بلال فاروق بلا مقابلہ کامیاب قرار پائے اور آئندہ مدت کے لیے قومی اسمبلی میں نمائندگی حاصل کریں گے۔

بلال فاروق تارڑ، وفاقی وزیر عطا تارڑ کے چھوٹے بھائی ہیں۔

ضمنی انتخاب کے لیے انتخابی عمل مکمل طور پر شفاف انداز میں ہوا اور بلال فاروق کی کامیابی پر پارٹی رہنماؤں نے مبارکباد کا اظہار کیا۔

خیال رہے کہ یہ نشست سابق رکن محمد احمد چٹھہ کی ناہلی کے بعد خالی ہوئی تھی، اس حلقے سے پی ٹی آئی کے امیدوار احمد چٹھہ قبل ازیں نااہل قرار پائے تھے، جس کے بعد مسلم لیگ (ن) کے بلال فاروق تارڑ نے کاغذات نامزدگی جمع کرائے۔

تمام دیگر امیدواروں نے بلال فاروق تارڑ کے حق میں دستبرداری کا اعلان کردیا، جس پر انہیں بلا مقابلہ کامیاب قرار دیا گیا۔

واضح رہے کہ پاکستان تحریک انصاف نے حلقے کے ضمنی انتخاب کے بائیکاٹ کا اعلان کیا تھا۔