تیسر ا ون ڈے: پروٹیز کو 7 وکٹوں سے شکست، سیریز 2-1 سے پاکستان کے نام

فیصل آباد: تیسرے اور آخری ایک روز ہ میچ میں پاکستان نے جنوبی افریقہ کو با آسانی 7 وکٹوں سے شکست دے کرتین میچوں کی سیریز 2-1 سے اپنے نام کر لی۔

تفصیلات کے مطابق جنوبی افریقہ کی جانب سے ملنے والا144رنز کا ہدف پاکستان نے با آسانی 3 وکٹوں کے نقصان پر پورا کر لیا۔

پاکستان کی جانب سے صفر پر فخر زمان کی وکٹ گرنے کے بعد صائم ایوب اور بابر اعظم نے محتاط انداز میں بلے بازی کرتے ہوئے 65 رنز کی شراکت داری قائم کی جس کے بعد بابر اعظم27 رنز بنا کر رن آؤٹ ہو گئے۔

جبکہ صائم ایوب نے شاندار بلے بازی کا مظاہرہ کرتے ہوئے 77 رنز کی اننگز کھیلی، جبکہ محمد رضوان 32 او رکپتان سلمان آغا 5 رنز بنا کر ناقابل شکست رہے۔

جنوبی افریقہ کی جانب سےبوجرن فورٹین اور ناندرے برگر نے ایک ایک وکٹ حاصل کی۔

اس سے قبل فیصل آباد کے اقبال سٹیڈیم میں پاکستان اور جنوبی افریقہ میں فیصلہ کن ون ڈے میچ کے لیے ٹاس ہوا، جنوبی افریقہ نے جیت کر بیٹنگ کرنے کا اعلان کیا۔

 جنوبی افریقہ کی ٹیم نے پہلے بیٹنگ کرتے ہوئے 143رنز بنائے ، جنوبی افریقہ کی جانب سے کوئنٹن ڈی کاک53اور پریٹوریس39رنز بنا کر نمایاں رہے جب کہ میتھیو بریٹزکی اور پیٹر نے 16،16رنز بناکر آوٹ ہوئے۔

دوسری جانب جنوبی افریقہ کے 7کھلاڑی ڈبل فگر میں داخل نہ ہو سکے۔

قومی ٹیم کی جانب سے ابرار احمد نے 4،شاہین شاہ آفریدی،سلمان علی آغااور محمد نواز نے 2،2وکٹیں حاصل کیں۔