صوبائی حکومت نے 17 نومبر کو چھٹی کااعلان کر دیا،نوٹیفکیشن جاری

شہید بینظیرآباد: سندھ حکومت کی جانب سے ضلع شہید بینظیرآباد میں 17 نومبر کو عام تعطیل کا اعلان کر دیا گیا ہے۔

تفصیلات کے مطابق اس حوالے سے ڈپٹی کمشنر شہید بینظیرآباد کی جانب سے 17 نومبر کو ضلع شہید بینظیرآباد میں مقامی تعطیل کا نوٹیفکیشن جاری کر دیا گیا ہے۔

جاری کردہ نوٹیفکیشن کے مطابق ضروری و بنیادی خدمات انجام دینے والے محکمے معمول کے مطابق کام جاری رکھیں گے۔

نوٹیفکیشن کے مطابق یہ فیصلہ حضرت سید علی اصغر شاہ المعروف سخی جام داتارؒ کے 754ویں عرس مبارک کے موقع پر کیا گیا ہے ۔
نوٹیفکیشن میں مزید کہا گیا ہے کہ ضلع شہید بینظیر آباد کی حدود میں تمام سرکاری و نجی دفاتر، تعلیمی اداروں اور متعلقہ اداروں میں مقامی تعطیل ہوگی۔ 

جبکہ محکمہ صحت، پیپلز میڈیکل ہسپتال، میونسپل سروسز اور دیگر بنیادی و ضروری خدمات انجام دینے والے محکمے 17 نومبر کو معمول کے مطابق کام جاری رکھیں گے۔