نامور اداکارہ شگفتہ اعجاز کے بھائی انتقال کرگئے

ویب ڈیسک: پاکستان شوبز اور ڈرامہ انڈسٹری کی مایہ ناز اداکارہ شگفتہ اعجاز کے بھائی انتقال کر گئے۔

تفصیلات کے مطابق اداکارہ نے سوشل میڈیا پر بھائی کے انتقال کی خبر مداحوں کیساتھ شیئر کی۔ 

شگفتہ اعجاز نے یہ افسوسناک خبر اپنے مداحوں کے ساتھ سوشل میڈیا کے ذریعے شیئر کی اور مرحوم کے لیے دعا کی درخواست کی۔

دوسری جانب شگفتہ اعجاز کے بھائی کے انتقال پر ساتھی اداکار جنید خان، خالد انعم، ژالے سرحدی، لیلیٰ واسطی اور سائمہ قریشی سمیت کئی ساتھی فنکاروں اور مداحوں نے مرحوم کے لیے دعائے مغفرت کی اور ان کے اہلِ خانہ کے لیے صبرِ جمیل کی دعا کی ہے۔

خیال رہے کہ گزشتہ برس اداکارہ کے شوہر یحییٰ صدیقی کینسر کے باعث انتقال کر گئے تھے جس کے بعد انہوں نے چند ماہ کیلئے شوبز اور سوشل میڈیا سے دوری اختیار کرلی تھی۔