مسلمانوں کے خلاف نفرت انگیز رویہ مکروہ اقدام ہے، اس سے نمٹنا ہوگا،برطانوی وزیر اعظم

لندن: برطانوی وزیر اعظم سر کیئر اسٹارمر نےبرطانیہ میں مسلمانوں کے خلاف نفرت انگیز  رویے کو مکروہ اقدام قرار دیتے ہوئے واضح کردیاکہ ان اقدامات کی ہمارے معاشرے میں کوئی جگہ نہیں۔

غیر ملکی میڈیا رپورٹس کے مطابق وزیر اعظم سر کئیر اسٹارمر نے برطانوی ہاؤس آف کامنز  میں بات کرتے ہوئے کہا کہ حکومت ملک میں مسلمانوں کے خلاف بڑھتی نسل پرستی اور اسلاموفوبیا کا مقابلہ کرنے کے لیے اقدامات کر رہی ہے۔

اپنے خطاب میں انہوں نے کہا کہ مسلمانوں کے خلاف نفرت انگیز رویہ مکروہ اقدام ہے، اس سے نمٹنا ہوگا اور  ان اقدامات کی ہمارے معاشرے میں کوئی جگہ نہیں۔

ان کا مزید کہنا تھا کہ حکومت مساجد اور مسلم اسکولوں کی حفاظت کے لیے فنڈنگ میں اضافہ کر رہی ہے جس کے بعد نفرت انگیز  رویہ مانیٹر  کیا جاسکے گا اور  اس طرح  متاثرین کی مدد ہوسکےگی۔