پاکستان،روس کا باہمی تعاون کومزید فروغ دینے کی خواہش کا اظہار

پاکستان اور روس نے باہمی تعاون کو مزید فروغ دینے کی خواہش ظاہر کی ہے۔

اس خواہش کا اظہار روس کے نائب وزیر خارجہSergey Vershinin اور ماسکو میں پاکستان کے سفیر فیصل نیاز ترمذی کے درمیان ملاقات میں کیا گیا۔

انہوں نے سلامتی کونسل میں پاکستان کی غیر مستقل رکنیت سمیت اقوام متحدہ میں دوطرفہ تعاون کے مختلف پہلوؤں پر تبادلہ خیال کیا۔

فریقین نے بین الاقوامی ایجنڈے کے تحت بہت سے اہم مسائل پر پاکستان اور روس کے یکساں نقطہ نظر کی بھی توثیق کی۔