اردو ادب میں شاندار خدمات کے اعتراف میں پروین شاکر کو 1990 میں صدارتی تمغہ برائے حسن کارکردگی سےبھی نوازا گیا تھا


ویب ڈیسک:اُردو کی ممتاز شاعرہ پروین شاکر کو ہم سے بچھڑے آج 31 سال گزر گئے۔
پروین شاکر 24نومبر1952 کو کراچی کے ایک ادبی گھرانے میں پیدا ہوئیں،انہوں نے نوعمری میں ہی ادبی سفر کا آغاز کر دیا تھا،نثرنگاری بھی کی مگرشاعری نے انہیں پہچان دی،غزلیں اور نظمیں لکھنے سے خاص شہرت پائی۔
جدید دور کے شعرا پروین شاکر کسی تعارف کی محتاج نہیں تھیں۔ جب انہوں نے شاعری کا آغاز کیا تو اس وقت ادا جعفری، فہمیدہ ریاض، شبنم شکیل، اور کشور ناہید جیسی خاتون شعرا کے نام گونج رہے تھے۔
پروین شاکر نے منفرد انداز بیان اور انفرادی اسلوب کے ذریعے شاعری اور ادب میں الگ پہچان بنائی،ان کا پہلا شعری مجموعہ ’خوشبو‘ آیا تو دیکھتے ہی دیکھتے اس کی خوشبو ادب کی دنیا میں ہر طرف پھیل گئی۔ شاعری میں رومانوی انداز کے باعث انہیں نئی نسل میں بے حد پذیرائی ملی۔
پروین شاکر نے نسوانی جذبات کو منفرد انداز میں بیان کیا اور ان کے کلام میں ایک موڈرن اور باشعور لڑکی کی سوچ نمایاں ہے۔

انہوں نے اپنی شاعری میں خوشبو، پھول، بہار، موسم، بادباں، سمندر اور اس طرح کے کئی آفاقی استعارے خوبصورت انداز میں استعمال کیے۔ شاعری کے ساتھ ساتھ وہ عملی زندگی میں بھی ایک کامیاب خاتون ثابت ہوئیں اور اہم انتظامی عہدوں پر فائز رہیں۔
پروین شاکر کی شاعری کو آج بھی ادبی ذوق رکھنے والے افراد بے پناہ پسند کرتے ہیں اور ان کوخوب داد تحسین پیش کرتے ہیں،اردو ادب میں شاندار خدمات کے اعتراف میں پروین شاکر کو 1990 میں صدارتی تمغہ برائے حسن کارکردگی سےبھی نوازا گیا تھا۔
پرکشش شخصیت اور مزاج کے باعث وہ اپنے حلقہ احباب میں ہر دل عزیز تھیں۔ ان کی وفات سے اردو ادب ایک جذباتی اور رومانوی انداز میں اظہار کرنے والی شاعرہ سے محروم ہو گیا۔
پروین شاکر 24 دسمبر 1994 کو اسلام آباد میں ایک ٹریفک حادثے میں جاں بحق ہوئیں، اس وقت ان کی عمر صرف 42 سال تھی۔
پہلے ایل پی جی اوراب بجلی بم گرا دیا گیا
- 11 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 12 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 دن قبل

پیٹرول اور ڈیزل کی قیمتوں میں کمی کا اعلان
- 13 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 11 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 دن قبل



