پاکستان نیول اکیڈمی میں 124 ویں مڈشپ اور 32ویں کمیشن کورس کی پاسنگ آؤٹ پریڈ
پاکستان نیول اکیڈمی بہترین پیشہ ورانہ تربیت فراہم کرتی ہے، دوسرے ممالک کے کیڈٹس کو تربیت فراہم کرنے کے لیے نیول اکیڈمی کا کردار قابل ِفخر ہے، کمانڈر بحرین نیول فورس


کراچی: پاکستان نیول اکیڈمی میں 124 ویں مڈشپ مین اور 32ویں شارٹ سروس کمیشن کورس کی پاسنگ آؤٹ پریڈ ہو ئی۔
تقریب کے مہمانِ خصوصی کمانڈر رائل بحرین نیول فورس، ریئر ایڈمرل احمد محمد ابراہیم آل بن علی تھے،چیف آف دی نیول اسٹاف ایڈمرل نوید اشرف نےمہمان خصوصی کا استقبال کیا۔
پریڈ کے دوران کیڈٹس نے پاک بحریہ کےسربراہ ایڈمرل نوید اشرف کو سلامی دی جبکہ بحرین کے ریئرایڈمرل احمد محمد ابراہیم آل بن علی نے پریڈ کا معائنہ کیا۔
اس موقع پر مہمان خصوصی رائل بحرین نیول فورس ریئر ایڈمرل احمد محمد ابراہیم نے نمایاں کارکردگی دکھانے والے کیڈٹس کو اعزازات سے نوازا۔
پاکستان سےآفیسرکیڈٹ عمرمختارکوچیف آف دی نیول سٹاف گولڈ میڈل دیا گیا،عراق سے آفیسر کیڈٹ الذھبی فہد حسام فرید کو چیف آف دی نیول سٹاف گولڈ میڈل دیا گیا۔
مڈشپ مین شہاب احمد کو اکیڈمی ڈرک دی گئی، مڈشپ مین محمدعزیرعباس کومجموعی طورپربہترین کارکردگی پراعزازی شمشیرسے نوازا گیا۔
کمانڈنٹ پاکستان نیول اکیڈمی کموڈور ضیا الرحمان نے اس موقع پر کہا کہ پاکستان نیول اکیڈمی قابل فخر ادارہ ہے۔
کمانڈر رائل بحرین نیول فورس کا خطاب
اس موقع پر منعقدہ تقریب سے خطاب کرتے ہوئےریئر ایڈمرل احمد محمد ابراہیم آل بن علی نے کہا کہ پاکستان اور بحرین اسلامی اخوت کے رشتے میں بندھے ہیں اور ہمارے تعلقات ہر آنے والے دن میں مستحکم ہو رہے ہیں۔
انہوں نے مزیدکہا کہ بحرین پاکستان سے تعلقات کو بہت اہمیت دیتا ہے۔ دہشت گردی کے خلاف پاکستان کے ساتھ ہیں اور ساتھ کھڑے رہیں گے۔بحرین کا پاکستان کے ساتھ ہر سطح پر تعاون جاری رہے گا،پاک بحرین دوستی ہمیشہ قائم رہے گی۔
کمانڈر رائل بحرین نیول فورس نے کہا کہ پاکستان نیول اکیڈمی بہترین پیشہ ورانہ تربیت فراہم کرتی ہے، دوسرے ممالک کے کیڈٹس کو تربیت فراہم کرنے کے لیے پاکستان نیول اکیڈمی کا کردار قابل ِفخر ہے۔میں بھی پاکستان نیول اکیڈمی سے فارغ التحصیل ہوں۔

پیٹرول اور ڈیزل کی قیمتوں میں کمی کا اعلان
- 13 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 days ago
پہلے ایل پی جی اوراب بجلی بم گرا دیا گیا
- 11 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 days ago

پولیس افسران کی ترقیوں کے خلاف پنجاب حکومت کی اپیلیں خارج
- 11 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 12 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 days ago



