سونے کی قیمت میں مسلسل دوسرے رو ز بڑی کمی ریکارڈ، فی تولہ کتنے کا ہوگیا؟

کراچی: عالمی و مقامی منڈیوں میں دو روز کےدوران سونے کی قیمتوں میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز فی تولہ سونا 10 ہزار 700 روپے سستا ہوکر 4 لاکھ 59 ہزار 462 روپے ہوگئی ہے۔

ایسوسی ایشن کے مطابق اسی طرح دس گرام سونے کے نرخ میں 9 ہزار 174 روپے کی کمی ہوئی ہے جس کے بعد نئی قیمت 3 لاکھ 93 ہزار 914 روپے کی سطح پر آ گئی ہے۔

دوسری جانب عالمی بلین مارکیٹ میں سونے کے نرخ میں 107 ڈالر کمی ہوئی ہے، جس کے بعد فی اونس سونے کے نرخ 4371 ڈالر کی سطح پر آ گئے ہیں۔

خیال رہے کہ گزشتہ روز سونے کے نرخ میں 5500 روپے کی کمی ہوئی تھی۔

اس کے برعکس چاندی کی فی تولہ قیمت میں 145 روپے کی کمی ہونے سے نئی قیمت 7930 روپے ہو گئی ہے۔