کاروباری حضرات کیلئے اچھی خبر:نئے سال کے پہلے روز سونا ہزاروں روپے سستا

کراچی : عالمی و مقامی مارکیٹوں میں نئے سال کے پہلے روز بھی سونے اور چاندی کی قیمت میں کمی کاسلسلہ برقراررہا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھت روزمقامی مارکیٹ میں ایک تولہ سونا 2400 روپے سستاہوگیاجس کے بعد نئی قیمت 4 لاکھ 54 ہزار 562 روپے ہوگئی۔

ایسوسی ایشن کے مطابق اسی طرحدس گرام سونا 2058 روپے کی کمی کے ساتھ 3 لاکھ 89 ہزار 713 روپے پر آگیا جبکہ ایک تولہ چاندی 83 روپے کمی کےبعد 7635 روپے پر آگئی۔

دوسری جانب عالمی بلین مارکیٹ میں سونے کی قیمت میں 24 ڈالر کی کمی ہوئی ہے جس کے بعد سونے کی نئی قیمت کم ہو کر 4322 ڈالر فی اونس ہو گئی ہے۔

واضح رہے کہ گزشتہ روزعالمی مارکیٹ میں سونا 25 ڈالر سستاہوکر 4346 ڈالر فی اونس تک گرگیاتھاجبکہ مقامی مارکیٹ میں فی تولہ سونا 2500 روپے سستا ہونے کے بعدایک تولہ سونا 4 لاکھ 56 ہزار 962 روپے کا ہوگیاتھا۔