مسلسل کمی کے بعد سونا آج ہزاروں روپے مہنگا،فی تولہ کتنے کا ہو گیا؟

کراچی: کئی روز کی کمی کے بعد عالمی ومقامی مارکیٹوں سونا آج پھر مہنگا ہو گیا۔

آل پاکستان جیمز اینڈ جیولرزایسوسی ایشن کے مطابق کاروباری ہفتے کے آخری روزمقامی مارکیٹوںمیں ایک تولہ سونا 5700 روپے مہنگاہوگیاجس کے بعدقیمت 4 لاکھ 60 ہزار262 روپے پر پہنچ گئی۔

ایسوسی ایشن کے مطابق اسی طرح دس گرام سونا 4887 روپے مہنگا ہوکر 3 لاکھ 94 ہزار600 روپے پر پہنچ گیا۔

جبکہ ایک تولہ چاندی 227 روپے اضافے کے بعد7862 روپے پر پہنچ گئی ہے۔

دوسری جانب عالمی بلین مارکیٹ میں سونا 57 ڈالر مہنگا ہوکر 4379 ڈالر فی اونس پر پہنچ گیا۔

واضح رہے کہ گزشتہ روزسونے اور چاندی کی قیمت میں کمی کاسلسلہ برقراررہاتھا،اورعالمی مارکیٹ میں سونا 24 ڈالر سستاہوکر 4322 ڈالر فی اونس تک گرگیاتھا۔جبکہ مقامی مارکیٹ میں ایک تولہ سونا 2400 روپے سستاہونے کے بعد4 لاکھ 54 ہزار 562 روپے کاہوگیاتھا۔