ایک روز کے اضافے کے بعدسونے کے نرخوں میں ایک بار پھر کمی 

کراچی: ایک روز کے اضافے کے بعد سونے کی قیمتوں میں نمایاں کمی ریکارڈ کی گئی ہے۔

آل پاکستان جیمزا ینڈ جیولرز ایسوسی ایشن کے مطابق آج ہفتے کے روز سونا 4700 روپے فی تولہ سستا ہونے سے نئی قیمت 4 لاکھ 55 ہزار 562 روپے ہو گئی ہے۔

ایسوسی ایشن کے مطابق اسی طرح 10 گرام نے کے نرخ میں 4 ہزار 30 روپے کی کمی ہوئی ہے جس کے بعد قیمت 3 لاکھ 90 ہزار 570 روپے کی سطح پر آ گئی ہے۔

علاوہ ازاں چاندی کی فی تولہ قیمت میں 106 روپے کی کمی ہونے سے قیمت 7756 روپے ہو گئی ہے۔

دوسری جانب عالمی بلین مارکیٹ میںسونا 47 ڈالر سستا ہونے سے فی اونس سونے کے نرخ 4332 ڈالر کی سطح پر آ گئے ہیں۔

خیال رہے کہ گزشتہ روز سونا 5700 روپے فی تولہ مہنگا ہوا تھا۔