اقوام متحدہ کا وینزویلا میں امریکی کارروائی پر اظہارِ تشویش،فریقین سے تحمل کا مظاہرہ کرنے کی درخواست
فوجی کارروائیاں ایک خطرناک نظیر قائم کرتی ہیں جو عالمی امن و سلامتی کے لیے نقصان دہ ثابت ہو سکتی ہیں،انتونیو گوتریس


نیویارک : اقوام متحدہ کے سیکرٹری جنرل نے وینزویلا میں حالیہ کشیدگی میں اضافے، بالخصوص امریکا کی جانب سے کی گئی فوجی کارروائی پر گہری تشویش کا اظہار کیا ہے۔
تفصیلات کے مطابقاقوام متحدہ کے سیکرٹری جنرل انتونیو گوتریس نے وینزویلا میں امریکی فوجی کارروائی پر گہری تشویش کا اظہار کرتے ہوئے تمام فریقین پر زور دیا ہے کہ وہ بین الاقوامی قانون اور اقوام متحدہ کے چارٹر کا مکمل احترام کریں، اس نوعیت کی فوجی کارروائیوں کے خطے پر تشویشناک اثرات مرتب ہو سکتے ہیں۔
رپورٹس کے مطابق سیکرٹری جنرل انتونیو گوتریس نے کہا کہ فوجی کارروائیاں ایک خطرناک نظیر قائم کرتی ہیں جو عالمی امن و سلامتی کے لیے نقصان دہ ثابت ہو سکتی ہیں۔
انہوں نے واضح کیا کہ کسی بھی تنازعے کا حل طاقت کے استعمال کے بجائے سفارتکاری اور مکالمے کے ذریعے نکالا جانا چاہیے، سیکرٹری جنرل نے فریقین سے مطالبہ کیا کہ وہ تحمل کا مظاہرہ کریں اور کشیدگی میں اضافے سے گریز کریں۔ ان کا کہنا تھا کہ وینزویلا کے بحران کا پائیدار اور پرامن حل صرف جامع اور بامقصد مذاکرات کے ذریعے ہی ممکن ہے۔
انتونیو گوتریس نے اس بات پر زور دیا کہ اقوام متحدہ خطے میں امن و استحکام کے لیے اپنا کردار ادا کرنے کے لیے تیار ہے اور عالمی برادری کو چاہیے کہ وہ بین الاقوامی قوانین کی پاسداری کو یقینی بناتے ہوئے تنازعات کے پرامن حل کی حمایت کرے۔

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 10 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 دن قبل
پہلے ایل پی جی اوراب بجلی بم گرا دیا گیا
- 10 دن قبل

پیٹرول اور ڈیزل کی قیمتوں میں کمی کا اعلان
- 12 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 دن قبل








