مسلسل دوسرے روز سونے کی قیمت میں ہزاروں روپے کا اضافہ ، فی تولہ کتنے کا ہو گیا؟

کراچی: عالمی ومقامی مارکیٹوں میں سونا مسلسل دوسرے روز اضافہ ریکارڈ کیا گیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز فی تولہ سونے کا بھاؤ 9200 روپے اضافے سے 464762 روپے ہو گیا ہے۔

ایسوسی ایشن کا کہنا ہے کہ اسی طرح 10 گرام سونے کی قیمت میں 7 ہزار 888 روپے اضافہ ہوا ہے، جس کے بعد 10 گرام سونا 3 لاکھ 98 ہزار 458 روپے میں فروخت ہو رہا ہے۔

دوسری جانب عالمی بلین مارکیٹ میں بھی سونے کی قیمت میں نمایاں اضافہ دیکھنے میں آیا ہے، جہاں سونا 92 ڈالر فی اونس مہنگا ہو کر 4 ہزار 424 ڈالر فی اونس کی سطح پر پہنچ گیا ہے۔

یاد رہے کہ گزشتہ روز بھی سونے کی فی تولہ قیمت میں 4700 روپے کا اضافہ ہواتھا۔