امریکی نائب صدر کے گھر پرحملہ نامعلوم شخص کا حملہ

اوہائیو:امریکی نائب صدر جے ڈی وینس کے اوہائیو میں واقع نجی گھر کو نقصان پہنچنے کا واقعہ سامنے آیا ہے۔

امریکی میڈیا کے مطابق اوہائیوو میں نائب امریکی صدر جے ڈی وینس کے گھر پر نامعلو م شخص نے توڑ پھوڑ کی تاہم توڑ پھوڑ کرنے والا شخص گھر کے اندر داخل ہونے میں ناکام رہا، امریکی سیکرٹ سروس نے مشتبہ شخص کو گرفتار کر لیا ہے جبکہ واقعے کی مزید تحقیقات جاری ہیں۔

رپورٹس کے مطابق واقعہ اس وقت پیش آیا جب جے ڈی وینس اوران کے اہل خانہ گھرپرموجود نہیں تھے، جس کے باعث کسی جانی نقصان کی اطلاع نہیں ملی۔

ابتدائی اطلاعات کے مطابق نائب امریکی صدرکی رہائشگاہ کی کھڑکیوں کو نقصان پہنچا ہے جبکہ دیگرحصوں کا بھی جائزہ لیا جا رہا ہے۔

سیکرٹ سروس کے حکام کا کہنا ہے کہ واقعے کی نوعیت جاننے کے لیے جائے وقوعہ سے شواہد اکٹھے کیے جا رہے ہیں اور علاقے میں سکیورٹی مزید بڑھا دی گئی ہے جبکہ زیر حراست ملزم سے تفتیش کی جارہی ہے۔

امریکی میڈیا کے مطابق ملزم سے تفتیش جاری ہے اور حکام اس بات کا تعین کر رہے ہیں کہ یہ واقعہ انفرادی کارروائی تھا یا اس کے پیچھے کوئی منظم منصوبہ موجود تھا۔