اسحاق ڈار کاانڈونیشین وزیرخارجہ سے رابطہ، او آئی سی سمیت کثیرالجہتی فورمز پر تعاون پر تبادلہ خیال 

اسلام آباد: وزیر خارجہ و نائب وزیراعظم اسحاق ڈار کاانڈونیشیا کے وزیر خارجہ ہی سوگیونو سے ٹیلی فونک رابطہ ہوا ہے۔

ترجمان دفتر خارجہ کے مطابق دونوں رہنماؤں نے پاکستان اور انڈونیشیا کے دوطرفہ تعلقات کا جائزہ لیا اور او آئی سی سمیت کثیرالجہتی فورمز پر تعاون پر تبادلہ خیال کیا۔  

ترجمان دفتر خارجہ کے مطابق گفتگو کے دوران عالمی صورتحال پر بھی تبادلہ خیال کیا گیا جس میں صومالیہ کی صورتحال اور غزہ میں دیرپا امن کی کوششیں شامل ہیں۔

ترجمان کا مزید کہنا ہے کہ دونوں وزرائے خارجہ نے اہم علاقائی و عالمی امور پر قریبی رابطہ برقرار رکھنے پر اتفاق کیا۔