Advertisement

امریکی تاریخ میں پہلی بار میئر اور ڈپٹی میئر پاکستانی منتخب

سنبل صدیقی پیشے کے لحاظ سے وکیل ہیں۔ اور امریکا میں سیاسی میدان میں سرگرم کردار ادا کر رہی ہیں،وہ پہلی بار سال 2017 میں کیمبرج کونسل کے لیے منتخب ہوئی تھیں

GNN Web Desk
شائع شدہ 10 ماہ قبل پر جنوری 7 2026، 8:01 شام
ویب ڈیسک کے ذریعے
امریکی تاریخ میں پہلی بار میئر اور ڈپٹی میئر پاکستانی منتخب

ویب ڈیسک: امریکی ریاست میساچوسٹس کے شہر کیمبرج میں پہلی بار میئر اور ڈپٹی میئر کے انتخاب میں دونوں عہدوں پر پاکستانی نوجوان منتخب ہوگئے۔

غیر ملکی خبر رساں ایجنسی کے مطابق 5 جنوری کو ہونے والے انتخاب میں کراچی سے تعلق رکھنے والی سنبل صدیقی سال 27-2026 کے لیے تیسری بار کیمبرج سٹی کی میئر منتخب ہوئیں۔ جبکہ پنجاب کے شہر بورے والا سے تعلق رکھنے والے برہان عظیم کیمبرج سٹی کے کم عمر ترین ڈپٹی میئر منتخب ہو گئے۔

سنبل صدیقی پیشے کے لحاظ سے وکیل ہیں۔ اور امریکا میں سیاسی میدان میں سرگرم کردار ادا کر رہی ہیں،وہ پہلی بار سال 2017 میں کیمبرج کونسل کے لیے منتخب ہوئی تھیں، وہ سال 2020 سے 2024 تک دو بار کیمبرج کی میئر رہ چکی ہیں۔

 میساچوسٹس کی تاریخ میں سنبل صدیقی کمیبرج کی پہلی مسلمان میئر اور ایشیائی خاتون ہیں جو مسلسل تیسری بار میئر منتخب ہوئی ہیں۔ 
دوسری جانب برہان عظیم معروف ماہر تعلیم پروفیسر منیر چوہدری کے صاحبزادے ہیں۔ اور ایم آئی ٹی یونیورسٹی بوسٹن سے انجینیئرنگ کی تعلیم حاصل کر چکے ہیں۔

برہان عظیم اس سے قبل کیمبرج سٹی کی تاریخ کے کم عمر ترین کونسلر منتخب ہو چکے ہیں۔ جبکہ دوسری بار کونسلر منتخب ہو کر اب کم عمر ترین ڈپٹی میئر بننے کا اعزاز بھی حاصل کر لیا ہے۔

Advertisement
رجحانات
Advertisement