اسحاق ڈار کا بنگلہ دیش اور ترکیہ کے ہم منصب سے ٹیلفونک رابطہ،او آئی سی وزرائے خارجہ اجلاس کا خیرمقدم

اسلام آباد:نائب وزیرِ اعظم وزیر خارجہ اسحاق ڈار نے آج ترکیہ کے وزیرِ خارجہ حاکان فیدان اوربنگلہ دیش کے مشیر خارجہ توحید حسینسے ٹیلیفون پر گفتگو کی۔

ترجمان دفترخارجہ کی جانب سے جاری بیان کے مطابق اسحاق ڈار نے ٹیلیفونک گفتگو کے دوران دونوں وزرائے خارجہ سے دوطرفہ روابط اور تعاون کے مختلف پہلوؤں پر تبادلۂ خیال کیا۔ انہوں نے بدلتی ہوئی بین الاقوامی صورتحال اور حالیہ عالمی پیش رفت کا جائزہ لیا۔

بیان کے مطابق گفتگو کے دوران اسحاق ڈار اور دونوں ممالک کے وزرائے خارجہ نے  10 جنوری 2026 کو جدہ میں منعقد ہونے والے او آئی سی کونسل آف فارن منسٹرز کے غیر معمولی اجلاس کے انعقاد کا خیرمقدم کیا۔