ملک کے بیشتر علاقوں میں موسم سرد، خشک، پہاڑی علاقوں میں شدید سرد رہنے کی توقع

محکمہ موسمیات کے مطابق آئندہ بارہ گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کی توقع ہے۔

پنجاب، بالائی سندھ اور خیبرپختونخوا کے میدانی علاقوں میں درمیانی سے شدید دھند 'خطہ پوٹھوہار اور کشمیر کے مختلف مقامات پر صبح کے اوقات میں کُہرپڑنے کا امکان ہے۔

آج صبح ریکارڈ کیا گیا بعض شہروں کا درجہ حرارت

اسلام آباد اور پشاور تین ڈگری سینٹی گریڈ لاہور نو کراچی گیارہ کوئٹہ منفی تین گلگت منفی چار مری صفر

اور مظفر آباد چار ڈگری سینٹی گریڈ۔

بھارت کے غیر قانونی زیرقبضہ جموں و کشمیر میں محکمہ موسمیات کی پیش گوئی کے مطابق سرینگر، LEH، پلوامہ، اننت ناگ، شوپیاں اور بارہ مولہ میں موسم شدید سرد اور خشک جبکہ جموں میںموسم سرد اور دھندپڑنے کاامکان ہے۔

آج صبح ریکارڈ کیا گیا درجہ حرارت:سرینگر، پلوامہ اور بارہ مولہ میں منفی تین ڈگری سینٹی گریڈ، جموں میں چھ، LEH منفی نو' اننت ناگ اور شوپیاں میں منفی دو ڈگری سینٹی گریڈ ۔