ایشز میں بدترین شکست کے بعد کیون پیٹرسن کا کڑا مؤقف، انگلینڈ ٹیم میں 6 تبدیلیوں کا مطالبہ
ان کا کہنا ہے کہ موجودہ سکواڈ میں صرف 5کھلاڑی ایسے ہیں جو آسٹریلیا اور بھارت جیسی مضبوط ٹیموں کا مقابلہ کرنے کی صلاحیت رکھتے ہیں۔آسٹریلیا نے سڈنی میں پانچواں اور آخری ٹیسٹ پانچ وکٹوں سے جیت کر سیریز پر مہر ثبت کی، جس کے بعد انگلینڈ کی تیاریوں، نظم و ضبط اور مجموعی حکمتِ عملی پر شدید تنقید شروع ہو گئ

لندن (اے پی پی): سابق انگلش کرکٹر کیون پیٹرسن نے ایشز سیریز میں آسٹریلیا کے ہاتھوں 1-4کی مایوس کن شکست کے بعد انگلینڈ کی ٹیسٹ ٹیم میں بڑی تبدیلیوں کا مطالبہ کر دیا ہے۔
ان کا کہنا ہے کہ موجودہ سکواڈ میں صرف 5کھلاڑی ایسے ہیں جو آسٹریلیا اور بھارت جیسی مضبوط ٹیموں کا مقابلہ کرنے کی صلاحیت رکھتے ہیں۔آسٹریلیا نے سڈنی میں پانچواں اور آخری ٹیسٹ پانچ وکٹوں سے جیت کر سیریز پر مہر ثبت کی، جس کے بعد انگلینڈ کی تیاریوں، نظم و ضبط اور مجموعی حکمتِ عملی پر شدید تنقید شروع ہو گئی ہے۔
اگرچہ کپتان بین سٹوکس اور ہیڈ کوچ برینڈن میک کولم کے عہدوں پر برقرار رہنے کا امکان ہے اور انگلینڈ اینڈ ویلز کرکٹ بورڈ (ای سی بی)نے سیریز کے بعد باقاعدہ جائزے کا اعلان کیا ہے، تاہم کیون پیٹرسن نے اس پر سخت ردِعمل دیا ہے۔سوشل میڈیا پلیٹ فارم ایکس پر اپنے بیان میں پیٹرسن نے کہا کہ وہ انگلینڈ اینڈ ویلز کرکٹ بورڈ کے مجوزہ جائزے میں مفت میں مدد کرنے کو تیار ہیں۔ ان کے مطابق صرف بین سٹوکس، جو روٹ، جوفرا آرچر، جیکب بیتھل اور ہیری بروک ہی ایسے کھلاڑی ہیں جو اعلیٰ سطح پر مقابلہ کر سکتے ہیں۔
پیٹرسن کا کہنا تھا کہ دورے سے قبل ہونے والی گفتگو، نظم و ضبط پر بحث اور اب تحقیقات سب توجہ ہٹانے کے مترادف ہیں جبکہ اصل مسئلہ ٹیم کی مجموعی اہلیت ہے، جو اس دورے میں واضح ہو گئی ہے، خاص طور پر اس حقیقت کے باوجود کہ آسٹریلیا کی ٹیم اپنے کئی اہم کھلاڑیوں کے بغیر میدان میں اتری ۔
ایشز سیریز کے دوران کئی انگلش کھلاڑیوں کی کارکردگی مایوس کن رہی، جن میں اوپنرز زیک کراؤلی اور بین ڈکٹ، فاسٹ بولرز گس اٹکنسن اور برائیڈن کارس، اور وکٹ کیپر جیمی سمتھ شامل ہیں۔
اولی پوپ کا ٹیسٹ مستقبل بھی غیر یقینی دکھائی دیتا ہے، خاص طور پر جیکب بیتھل کی شاندار ڈیبیو سنچری کے بعد۔انگلینڈ ٹیم جون میں نیوزی لینڈ کے خلاف تین ٹیسٹ میچوں کی سیریز سے اپنی اگلی ٹیسٹ مہم کا آغاز کرے گی۔ ہیڈ کوچ میک کولم کی توجہ فی الحال محدود اوورز کی کرکٹ پر مرکوز رہے گی، کیونکہ انگلینڈ کی ون ڈے ٹیم سری لنکا کا دورہ کرے گی اور اس کے بعد ٹی ٹونٹی ورلڈ کپ فروری میں شروع ہوگا۔

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 days ago

پولیس افسران کی ترقیوں کے خلاف پنجاب حکومت کی اپیلیں خارج
- 10 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 days ago

پیٹرول اور ڈیزل کی قیمتوں میں کمی کا اعلان
- 12 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 days ago
پہلے ایل پی جی اوراب بجلی بم گرا دیا گیا
- 10 days ago






