انتخابات کسی بھی وقت ہوسکتے ہیں ،بلاول بھٹو

وزیراعلیٰ ہاؤس کراچی میں منعقد اعلیٰ سطحی اجلاس سے خطاب کرتے ہوئے انہوں نے کہا کہ افغانستان کی صورتحال کے اثرات پاکستان پر مرتب ہوں گے اور سب سے زیادہ کراچی متاثر ہوگا۔ افغانستان کی صورتحال کے باعث حکومت سندھ اقدامات کررہی ہے ۔ انہوں نے دعویٰ کیا کہ صورتحال سے نمٹنے کے لیے ایک لائحہ عمل بھی طے کررہے ہیں۔ ان کا کہناتھاکہ میں چاہتا ہوں کہ جلد از جلد تنظیم سازی مکمل کی جائے ۔

چئیرمین پیپلز پارٹی بلاول بھٹو نے کہا کہ کراچی میں پی ٹی آئی  کی شکل میں نئی ایم کیوایم سامنے آئی ہے لیکن اس کا کراچی سے صفایا کریں گے ۔ اگلی حکومت بنانی ہے تو کراچی کی نشستوں کی ضرورت ہوگی ۔ بلاول بھٹو نے کہا کہ کراچی کو بچانا ہے تو تحریک انصاف کو بھگانا ہے ، ہمیں اپسی اختلافات کو سائیڈ پر رکھنا ہوگا۔