اسحا ق ڈار کا قطری وزیر خارجہ سےٹیلیفونک رابطہ،علاقائی اورعالمی صورتحال پرتبادلہ خیال

اسلام آباد: نائب وزیرِ اعظم اسحاق ڈار نے قطر کے وزیرِ اعظم و وزیرِ خارجہ شیخ محمد بن عبدالرحمن بن جاسم الثانی سے ٹیلیفون پر بات چیت کی،دونوں راہنماؤں نے موجودہ علاقائی اور بین الاقوامی صورتحال پر تبادلۂ خیال کیا۔  

ترجمان دفتر خارجہ کی جانب سے جاری کر دہ بیان کے مطابق دونوں راہنماؤں نے کشیدگی میں فوری کمی کی اہمیت پر زور دیا،قطری قیادت نے مذاکرات اور سفارتکاری کے ذریعے امن و استحکام کے فروغ کے لیے پاکستان کی جاری کوششوں کو سراہا۔  

ترجمان نے مزید بتایا کہ دونوں فریقین نے پاکستان اور قطر کے گہرے برادرانہ تعلقات کا اعادہ کیا،فریقین نے بدلتی ہوئی صورتحال پر قریبی رابطے میں رہنے پر بھی اتفاق کیا۔