بشریٰ بی بی کو بھی آنکھ کی شکایت،اڈیالہ جیل میں طبی معائنہ مکمل

راولپنڈی: پاکستان تحریک انصاف( پی ٹی آئی) کے بانی چئیرمین اور سابق وزیر اعظم عمران خان کی اہلیہ کو[بشریٰ بی بی کا اڈیالہ جیل میں طبی معائنہ کیا گیا، انہوں نے دائیں آنکھ میں تکلیف کی شکایت کی تھی۔

ذرائع کے مطابق بشریٰ بی بی کا راولپنڈی کی اڈیالہ جیل میں طبی معائنہ کیا گیا۔ انہیں دائیں آنکھ سے دھندلا نظر آنے اور سردرد کی شکایت تھی، جس پر ماہر ڈاکٹر کو طلب کیا گیا۔

جیل ذرائع کے مطابق بشریٰ بی بی کا پمز ہسپتال کے سربراہ شعبہ چشم ڈاکٹر محمد عارف خان نے معائنہ کیا۔ معائنے کے بعد انہیں مخصوص آئی ڈراپس اور دیگر ادویات تجویز کی گئیں۔

جیل ذرائع کے مطابق 4 ہفتوں بعد دوبارہ معائنے کی ہدایت کی گئی ہے۔