مشرق وسطیٰ میں کشیدگی:اسلام آباد میں سعودیہ، مصر اور ترکیہ کے وزرائے خارجہ کی ملاقات کا آغاز

اسلام آباد: مشرق وسطیٰ میں جاری کشیدگی میں کمی کے لیے اسلام آباد میں نائب وزیراعظم اسحاق ڈار اور سعودی عرب، مصر اور ترکیے کے وزرائے خارجہ کی ملاقات شروع ہوگئی۔

تفصیلات کے مطابق ملاقات میں پاکستان کے نائب وزیر اعظم و وزیر خارجہ اسحاق ڈار، سعوی عرب کے وزیر خارجہ فیصل بن فرحان، ترکیے کے وزیر خارجہ حاقان فیدان اور مصر کے وزیر خارجہ ڈاکٹر بدر عبدالعاطی شریک ہیں۔

اس سے قبل آج سعودی وزیر خارجہ فیصل بن فرحان خصوصی طیارے کے ذریعے اسلام آباد کے نور خان ائیر بیس پہنچے تھے۔

جبکہ گزشتہ روز مصر اور ترکیے کے وزرائے خارجہ بھی اسلام آباد پہنچے تھے، جن سے وزیر خارجہ اسحاق ڈار نے الگ الگ ملاقاتیں کیں جس میں دو طرفہ تعاون،تجارت، باہمی تعلقات ، مشرق وسطیٰ میں جاری کشیدگی سمیت دیگر امور پر تبادلہ خیال کیا گیا۔