افغان شہری کی پاک فوج اور فیلڈ مارشل عاصم منیر سے اظہارِ یکجہتی کی ویڈیوسوشل میڈیا پر وائرل

پکتیکا: افغانستان کے ایک شہری کی جانب سے پاک فوج اور فیلڈ مارشل سید عاصم منیر کی حمایت میں بنائی گئی ویڈیو سوشل میڈیا پر تیزی سے وائرل ہو رہی ہے جس میں اس نے پاک افواج کی قیادت سے عقیدت اور محبت کا اظہار کیا ہے۔

تفصیلات کے مطابق وائرل ہونے والی ویڈیو میں افغان شہری نے آپریشن غضب للحق کے دوران پاک فوج کے ہاتھوں تباہ ہونے والے ایک افغان ٹینک کو بھی دکھایا۔

افغان شہری نے ویڈیو پیغام میں طالبان رہنما ہیبت اللہ کو مخاطب کرتے ہوئے کہا کہ ہر فرعون کے لیے موسیٰ آتا ہے اور تمہارے لیے حافظ قرآن عاصم منیر آیا ہے۔

ویڈیو میں افغان شہری نےمزید کہا کہ جس طرح پاک فوج نے پکتیکا میں اس ٹینک کو تباہ کیا، اسی طرح مجاہدین تمہیں بھی اپنے ہاتھوں سے انجام تک پہنچائیں گے۔

ویڈیو میں افغان شہری کی جانب سے “آئی لو پاکستان، آئی لو جنرل عاصم منیر (فیلڈ مارشل)” کے الفاظ بھی تحریر کیے گئے ہیں۔

رپورٹس کے مطابق افغان طالبان حکومت کی حالیہ صورتحال کے تناظر میں بعض افغان شہری اس فتنے سے نجات کے لیے پرامید دکھائی دیتے ہیں۔