مذاکرات میں شرکت کیلئے آنے والے ایرانی وفد کی پرواز ’میناب 168‘ شہید بچوں سے منسوب

اسلام آباد:امریکا کے ساتھ ہونےو الے امن مذاکرات میں شرکت کیلئے آنے والے ایرانی پارلیمنٹ کے سپیکر باقر قالیباف نے پاکستان کی پرواز کے دوران اپنی تصویر سوشل میڈیا پر جاری کر دی جس میں نشستوں پر میناب سکول کے شہید بچوں کی تصاویر اور بستے رکھے گئے ہیں۔

تفصیلات کے مطابق سوشل میڈیا پلیٹ فارم ایکس پر شیئر کی گئی پوسٹ میں انہوں نے لکھا ہے کہ طیارے میں یہ میرے احباب ہیں۔
دوسری جانب امریکی صدر ڈونلڈ ٹرمپ نے کہا ہے کہ اسلام آباد مذاکرات کے لیے اچھی ٹیم بھیجی ہے، جے ڈی وینس، جیرڈ کشنر اور اسٹیو

وٹکوف اسلام آباد میں مذاکرات میں شرکت کریں گے۔

ایرانی حکومت کے مطابق پاکستان پہنچنے والے ایرانی مذاکراتی وفد کے طیارے کا نام حالیہ جنگ کے دوران میناب سکول سے منسوب کیا گیا ہے۔

خیال رہے کہ’میناب 168‘ سے مراد بچوں سمیت وہ 168 ایرانی شہری ہیں جو 28 فروری کو ایک میزائل حملے میں شہید ہوئے تھے، اس حملے میں ایران کے شہر میناب میں واقع بچوں کا سکول شجرۂ طیبہ نشانہ بنایا گیا تھا۔

یاد رہے کہ جنگ کے ابتدائی دنوں میں ایران کے مناب اسکول پر امریکی اور اسرائیلی حملے میں 168 شہادتیں ہوئی تھیں۔