جے ڈی وینس ایران کیساتھ مذاکرات کیلئے اسلام آباد جائیں گے،وائٹ ہاؤس

واشنگٹن ڈی سی: وائٹ ہاؤس نے تصدیق کرتے ہوئے کہا ہےکہ امریکی نائب صدر جےڈی وینس اسلام آباد میں ایران کے ساتھ ہونے والے مذاکرات کے دوسرے راؤنڈمیں شریک ہونگے۔

امریکی میڈیا رپورٹس کے مطابق وائٹ ہاؤس کا کہنا ہے کہ اسٹیووٹکوف اور جیرڈ کشنر بھی امریکی نائب صدر کے ہمراہ ہوں گے،یاد رہے ایران کیساتھ مذاکرات کے پہلے دور میں بھی انہی 3 شخصیات نے امریکا کی نمائندگی کی تھی۔

خیال رہے کہ ایران اور امریکا کے درمیان مذاکرات کا دوسرا دور پرسوں (منگل) کو متوقع ہے، اس موقع پر وفاقی دارالحکومت اسلام آباد میں سیکیورٹی کے انتہائی سخت انتظامات کئے گئے ہیں۔

جبکہ اس حوالے سے ملکی اور غیر ملکی میڈیا بھی اس موقع پر اسلام آباد میں موجود ہے ۔