ایران کو کسی قیمت پر نیوکلیئر ہتھیار نہیں بنانے دیں گے، ڈیل نہیں ہوئی تو دباؤ برقرار رکھیں گے، روبیو

واشنگٹن ڈی سی: امریکی وزیر خارجہ مارکو روبیو نے کہا ہے کہ ایران کو کسی قیمت پر نیوکلیئر ہتھیار نہیں بنانے دیں گے، ڈیل نہیں ہوئی تو ایران پر دباؤ برقرار رکھیں گے۔

تفصیلات کے مطابق امریکی میڈیا کو دیے گئے ایک انٹرویو میں مارکو روبیو اسے اکنامک نیوکلیئر ہتھیار قرار دیتے ہوئے کہا کہ امریکا بھتہ خوری کی اجازت نہیں دیگا۔

انٹرویو میں ان کا مزید کہنا تھا کہ ایران کو کسی قیمت پر نیوکلیئر ہتھیار نہیں بنانے دیں گے، ڈیل نہیں ہوئی تو ایران پر دباؤ برقرار رکھیں گے۔

مارکو روبیو کا کہنا تھا کہ ایران کے سخت گیر عناصر ڈیل کی راہ میں رکاوٹ ہیں ، ایران میں کچھ لوگ ایسے بھی ہیں جو ملک اور معیشت کو چلانا چاہتے ہیں،مارکو روبیو نے الزام لگایا کہ ایران ناصرف اپنے ملک بلکہ پورے خطے پر اثر و رسوخ بڑھانا چاہتا ہے اور اس کے مختلف علاقائی گروہوں سے روابط ہیں۔

دوسری جانب امریکی جریدے وال اسٹریٹ جرنل نے کہا ہے کہ صدر ٹرمپ نے ایرانی تجاویز کو مسترد نہیں کیا، امریکی صدر نیوکلیئر معاملہ شامل نہ کرنے پر ناخوش ہیں، ایران کی تجویز پر مشاورت جاری ہے۔