ٹرمپ کی چہیتی ترجمان وائٹ ہاؤس کیرولین لیویٹ کے ہاں دوسرے بچے کی پیدائش

واشنگٹن ڈی سی:امریکی صدر ڈونلڈ ٹرمپ کی چہیتی وائٹ ہاؤس کی ترجمان کیرولین لیویٹ بیٹی کی ماں بن گئیں، یہ اطلاع سامنے آتے ہی سوشل میڈیا صارفین نے بڑی تعداد میں کیرولین لیویٹ اور ان کی نومولود بیٹی کے لیے نیک تمناؤں کا اظہار کیا ہے۔ 

غیر ملکی میڈیا رپورٹس کے مطابق امریکی صدر ڈونلڈ ٹرمپ کی وائٹ ہاؤس پریس سیکریٹری کیولین لیویٹ کے ہاں بیٹی کی پیدائش ہوئی ہے، یہ خوشخبری انہوں نے زچگی کی چھٹی مؤخر کرنے کے چند دن بعد سوشل میڈیا پر دی ہے۔

سوشل میڈیا پر جاری بیان میں کیرولین لیویٹ نے بتایا کہ ان کے ہاں بیٹی ’’ویویانا‘‘ کی پیدائش یکم مئی کو ہوئی ہے، اور ماں اور بچی دونوں صحت مند ہیں۔ انہوں نے کہا کہ ان کا بڑا بیٹا اپنی نئی بہن کے ساتھ زندگی کے نئے مرحلے کے مطابق ڈھل رہا ہے۔

ترجما ن وائٹ ہاؤس نے بیٹی کی صحت کے حوالے سے آگاہ کرتے ہوئے لکھا ہے کہ ویویانا بالکل ٹھیک ہیں اور ان کا بڑا بھائی خوشی سے چھوٹی بہن کے ساتھ زندگی کو ایڈجسٹ کر رہا ہے، ہم اپنے گھر آئی نئی خوشی کے ہر لمحے سے لطف اندوز ہو رہے ہیں۔

On May 1st, Viviana aka “Vivi” joined our family, and our hearts instantly exploded with love. 💕

She is perfect and healthy, and her big brother is joyfully adjusting to life with his new baby sister. We are enjoying every moment in our blissful newborn bubble.

Thank you to… pic.twitter.com/wM1P1zEGsa

— Karoline Leavitt (@karolineleavitt) May 7, 2026

اُنہوں نے اپنی پوسٹ کے آخر میں ان سب لوگوں کا شکریہ بھی ادا کیا ہے جنہوں نے ان کی بیٹی کی پیدائش پر ان کے لیے اپنی نیک تمناؤں کا اظہار کیا۔

خیال رہے کہ 28 سالہ کیرولین لیویٹ امریکا کی تاریخ کی سب سے کم عمر وائٹ ہاؤس پریس سیکریٹری ہیں، جو اپنی سخت اور جارحانہ پریس بریفنگز کے باعث پہچانی جاتی ہیں۔

امریکی میڈیا رپورٹس کے مطابق انہیں 24 اپریل کو زچگی کی چھٹی شروع کرنی تھی، تاہم 25 اپریل کو وائٹ ہاؤس کوریسپانڈنٹس ڈنر کے دوران پیش آنے والے سیکیورٹی واقعے کے بعد ان کی چھٹی مؤخر کر دی گئی۔ وہ 28 اپریل تک وائٹ ہاؤس میں اپنی ذمہ داریاں انجام دیتی رہیں۔

لیویٹ کا پہلا بچہ جولائی 2024 میں اس وقت پیدا ہوا تھا جب صدر ٹرمپ پر انتخابی جلسے کے دوران حملے کی کوشش کی گئی تھی، جس کے بعد انہوں نے اپنی زچگی کی چھٹی مختصر کر دی تھی۔ان کی شادی 2025 میں ریئل اسٹیٹ ڈویلپر نکولس ریسو سے ہوئی، جو ان سے 32 سال بڑے ہیں، اور ان کے تعلق کو سوشل میڈیا پر خاصی توجہ ملتی رہی ہے۔