امریکی صدر کو بڑا جھٹکا،عدالت نے ٹرمپ کا 10 فیصد عالمی ٹیرف عائد کرنے کا فیصلہ کالعدم قرار دیدیا

واشنگٹن ڈی سی: امریکا کی تجارتی عدالت نے صدر ڈونلڈ ٹرمپ  کی جانب سے عائد کردہ 10 فیصد عالمی ٹیرف کو غیر قانونی قرار دیتے ہوئے کالعدم قراردیدیا۔

غیر ملکی میڈیا رپورٹس عدالت نے اپنے 2-1 کے فیصلے میں کہا کہ ٹرمپ انتظامیہ نے 1974 کے ٹریڈ ایکٹ کے تحت حاصل اختیارات کا غلط استعمال کیا اور صدر کو اس نوعیت کے وسیع پیمانے پر عالمی ٹیرف نافذ کرنے کا اختیار حاصل نہیں تھا۔

رپورٹس کے مطابق عدالتی فیصلے کے بعد تجارتی اور کاروباری حلقوں میں اسے ٹرمپ کی تجارتی پالیسی کے لیے بڑا دھچکا قرار دیا جا رہا ہے۔ تاہم قانونی ماہرین کا کہنا ہے کہ اس فیصلے کے خلاف اپیل کیے جانے کا امکان موجود ہے۔

خیال رہے کہ امریکی صدر کی جانب سے یہ ٹیرف فروری 2026 میں تقریباً تمام درآمدی اشیا پر عائد کیے گئے تھے۔ عدالت کے مطابق امریکا کو ایسا سنگین معاشی یا تجارتی بحران درپیش نہیں تھا جو قانون کے تحت ان اقدامات کا جواز فراہم کرتا۔جبکہ اس سے قبل بھی ٹرمپ دور میں عائد کیے گئے متعدد تجارتی اقدامات ماضی میں بھی عدالتی چیلنجز کا سامنا کرتے رہے ہیں۔