6 عرب ممالک کا اقوام متحدہ کو خط، آبنائے ہرمز پر ایرانی قوانین واپس لینے کا مطالبہ

چھ عرب ممالک نے اقوام متحدہ کو خط لکھ کر آبنائے ہرمز پر ایران کی جانب سے لگائے گئے یک طرفہ قوانین واپس لینے کا مطالبہ کیا ہے۔

غیر ملکی میڈیا رپورٹس کے مطابق سیکریٹری جنرل اقوام متحدہ کو بحرین، کویت، سعودی عرب، متحدہ عرب امارات، قطر اور اردن کی جانب سے خط لکھا گیا ہے۔ 

خط میں مزید کہا گیا ہے کہ کوئی ملک یک طرفہ قوانین مسلط نہیں کرسکتا۔رپورٹس کے مطابق خط میں آبنائے ہرمز پر انتظامی دعوؤں سے دستبرداری، اسے غیر مشروط طور پر کھولنے اور نقصانات کے معاوضے سمیت 6 مطالبات کیے گئے ہیں۔

خیال رہے کہ امریکی و صیہونی حملوں کے بعد ایران نے نہ صرف آبنائے ہرمز کو بند کر دیا بلکہ اس پر نگرانی اور کنٹرول کو مزید سخت اور موثر بنانے کیلئے باقاعدہ طور پر اسمبلی سے بل منظور کروا کر ہرمز سے گرزنے والے بحری جہازوں پر ٹول فیس بھی عائد کی ، جس کےبعد عرب ممالک اور دنیا کے دیگر ممالک کی جانب سے شدید ردعمل سامنے آیا تھا۔