گلگت بلتستان اسمبلی انتخابات کے لئے پولنگ کل ہوگی،تمام انتظامات مکمل

گلگت:گلگت بلتستان اسمبلی انتخابات کے لئے پولنگ کل ہوگی۔صاف،شفاف اور غیر جانبدار الیکشن کے لئے تمام انتظامات مکمل کر لئے گئے ہیں۔

تفصیلات کے مطابق جی بی اسمبلی کے انتخابات میں 9 لاکھ 58 ہزار 480ووٹرحق رائے دہی استعمال کریں گے جن میں مرد ووٹرز کی تعداد 5 لاکھ 3 ہزار 772 جبکہ خواتین ووٹرز کی تعداد 4 لاکھ 54 ہزار 708 ہے۔

جی بی اسمبلی کے 24حلقوں کے انتخابات میں 403 امیدوار میدان میں ہیں جن میں 272 آزاد امیدوار جبکہ 131 مختلف سیاسی جماعتوں کے ٹکٹ پر انتخابات میں حصہ لے رہے ہیں۔

پی پی پی نے سب سے زیادہ 23 امیدوار میدان میں اتارے ہیں جبکہ پاکستان مسلم لیگ (ن) کے 22 امیدوار انتخاب لڑ رہے ہیں۔ انتخابات میں 8 خواتین امیدوار حصہ لے رہی ہیں جن میں سے 5 آزاد امیدوار ہیں۔

اسی طرح الیکشن کے دوران امن و امان برقراررکھنے کے لئےسخت انتظامات کئے گئے ہیں ۔پولنگ سٹیشنوں میں جی بی پولیس اور جی بی سکاؤٹس کے اہلکار تعینات ہوں گے۔