کراچی اور لاہور گیریژن میں پاک فوج کے شہداء اورغازیوں کے اعزاز میں پروقار تقریب کاانعقاد

کراچی/لاہور:پاک فوج کے شہداء اورغازیوں کے اعزاز میں کراچی اور لاہور گیریژن میں باوقار تقریب کاانعقادکیاگیا۔

کراچی میں منعقدہ تقریب میں پاک فوج کے شہداء اورغازیوں کے اعزاز میں خصوصی تقریب میں شہداء اور غازیوں کی عظیم قربانیوں، بے لوث خدمات اور لازوال جذبۂ حب الوطنی کو شاندار الفاظ میں خراجِ عقیدت پیش کیا گیا۔

تقریب کے دوران پاک فوج کےغازیوں اور جامِ شہادت نوش کرنے والے شہداء کے لواحقین کو ستارۂ امتیاز(ملٹری)، تمغۂ امتیاز (ملٹری) اور تمغۂ بسالت کے اعزاز سے نوازا گیا۔کور کمانڈر کراچی تقریب کے مہمان خصوصی تھے۔

اس موقع پر کور کمانڈر کراچی نے شہداء کے اہل خانہ سے گفتگو کی اور شہداء کی قربانیوں کو زبردست خراج تحسین پیش کیا۔تقریب میں اعلیٰ فوجی افسران اور شہدا ءکے قریبی رشتہ داروں کی نے بھی شرکت کی۔

دوسری جانب لاہور گیریژن میں بھی پاک فوج کے شہداء اورغازیوں کے اعزاز میں خصوصی تقریب منعقد کی گئی ۔جی او سی لاہور گیریژن تقریب کے مہمان خصوصی تھے۔

اس موقع پر جی او سی لاہور گیریژن کا کہنا تھا کہ پاک فوج دنیا بھر میں اپنی پیشہ ورانہ صلاحیتوں کا لوہا منوا چکی ہے۔ جی او سی لاہور گیریژن نے پاک فوج کی جانب سے شہداء اور غازیوں کے لواحقین کو ہرممکن مدد اور تعاون کا یقین دلایا ۔انہوں نے کہا کہ ہمارے شہداء اور غازی ہماری اصل قوت اور فخر ہیں، جن کی لازوال قربانیوں کو قوم کبھی فراموش نہیں کر سکتی۔